गुल्मी ,(जनता टुडे) –प्रधानमन्त्री कृषि आधुनिकीकरण परियोजना, परियोजना कार्यान्वयन इकाई(सुन्तला जोन गु्ल्मीको आ.ब.०७६/७७ को स्वीकृत बार्षिक कार्यक्रम अन्तरगत उद्यमशिलता तथा क्षमता अभिवृध्दि स्थलगत तालिम आज चन्द्रकोट गाउपालिका वडा नं.६, हर्रेवामा सम्पन्न भएको छ ।

उक्त तालिम दसौ तालिम रहेको र त्यस अघि सुन्तला जोनको क्षेत्र भित्रका विभिन्न ९ वटा स्थानहरु छत्रकोट गाउपालिका वडा नं.तिनको लुम्छा,काभ्रे र श्रङ्गा, धुर्कोट गाउपालिका वडा नं.५ को नयागाउ, रेसुङ्गा नगरपालिका वडा नं.५ भुवनपानी, वडा नं.६ बालकाटे, कालिगण्डकी गाउपालिका वडा नं.तिन जयखानी लमश्राङ्ग इत्यादि गरि ९ वटा स्थानमा सम्पन्न भइसकेको र दस वटै तालिम गरि जम्मा  दुइ सय ६५ जना सुन्तला व्यवसायी किसानको सहभगिता रहेको तालिम संयोजक ना.प्रा.स मधुकृष्ण कंडेलले जानकारी दिनुभयो ।

उक्त तालिमको सहजिकरण परियोजनाका कृषि अधिकृत समिर सिँह बराइ मगर, ना.प्रा.स. जयहिन्द्र हरिजन, सुन्तला जोनका सामाजिक परिचालक कविर पन्थीले गर्नु भएको थियो । सुन्तला जोनमा हाल सम्म जम्मा १७५ वटा कृषक समुह,कृषि सहकाही तथा फर्महरु आबद्ध रहेको परियोजनाका कृषि अधिकृत समिरसिँह बराइ मगरले जानकारी दिनु भयो ।