रियाद । साउदी अरेबियामा कोरोना भाइरस नियन्त्रणको पहलस्वरुप कर्फ्यु जारी गरिएको छ । त्यसैगरी संयुक्त अरब इमिरेट्‍समा सम्पूर्ण उडानहरु रद्द गरिएका छन् ।

युएईले दुई साताका लागि सम्पूर्ण उडानहरु बन्द गरिएका छन् । युएई सरकारले सम्पूर्ण नागरिकलाई घरबाहिर ननिस्कन आग्रह गरेको छ । त्यसैगरी सम्पूर्ण मल तथा बजारहरु आगामी ४८ घण्टापछिदेखि बन्द गरिने घोषणा गरिएको छ ।

त्यसैगरी सिरियामा कोरोनाको पहिलो संक्रमित भेटिएको जनाइएको छ । बहराइनमा दोस्रो संक्रमित व्यक्तिको मृत्यु भइसकेको छ । अफगानिस्तानमा पनि संक्रमित एकजनाको मृत्यु भएको छ ।
विश्वभर कोरोना संक्रमितको संख्या ३ लाख ३५ हजारभन्दा बढी देखिएको छ भने करिब १५ हजार संक्रमितको मृत्यु भएको छ ।