काठमाडौं । कोरोना रोकथामका लागि सरकारले चीनबाट ल्याइएको स्वास्थ्य उपकरण लिएर प्रदेश १ र सुदूरपश्चिम प्रदेशमा गएको नेपाली सेनाको स्काई ट्रक सामान नछाडी त्यत्तिकै फर्किएको छ ।

मास्क, स्यानिटाइजर, पर्सनल प्रोटेक्टिभ इक्युपमेन्ट (पीपीई) लगायतका सामग्री लिएर स्काई ट्रक सोमबार बिहान उडे पनि बीच बाटोबाटै फर्किएको हो ।

नेपाली सेनाको उच्च अधिकारीका अनुसार स्काई ट्रकमा भएको स्यानिटाइजरबाट एक प्रकारको चर्को गन्ध आएपछि सैनिक पाइलटले विमान फर्काएका हुन् ।

‘प्राविधिक समस्या’का कारण विमान फर्किएको नेपाली सेनाका प्रवक्ता सहायक रथी विज्ञानदेव पाण्डेले समाचार संस्थाहरुलाई जानकारी दिएका छन् ।

कर्णाली प्रदेशको सुर्खेत स्वास्थ्य सामग्री लिएर गएको स्काइ ट्रकमा भने कुनै समस्या नभएको बताइएको छ