देवदह । देवदह नगरपालिकाले अतिविपन्न बर्गको लागि राहतको कार्यक्रम शुरु गरेको छ । दैनिक मजदुरी गरी छाक टार्ने अतिविपन्न बर्गलाई नगरपालिकाले राहत कार्यक्रम अगाडि सारेको हो । विश्वमा महामारीको रुपमा फैलिरहेको कोरोना भाईरस संक्रमण हुन सक्ने भन्दै सरकारले लक डाउन गरेपछि काम गरी खाने वातावरण नहुदा समस्यामा रहेका बर्गलाई नगरपालिकाले राहत प्रदान गरेको हो । देवदह नगरपालिका भित्र रहेका करिव ३ हजार घरपरिवारलाई राहतको कार्यक्रम अगाडि सारिएको नगर प्रमुख हिराबहादुर खत्रीले बताए ।

नगरपालिको दैनिक मजुदरी गरी खाने अतिविपन्न बर्गका लागि १० किलो चामल, २ केजी दाल, १ केजी नुन, आधार लिटर तेल, स्वाविनको मसौरा लागतयका सामाग्री प्रदान गरेको हो ।

नगरपालिकाले टोल विकास संस्था मार्फत वडा कार्यालयले सिफारिस गरेका अतिविपन्न बर्गलाई राहत प्रदान गरेको हो । देवदह नगरपालिको वडा नं १,मा १ सय ४०, २ मा १ सय १०, ३, मा ७०, ४ मा २ सय १०, ५ मा ३ सय ११, ६, मा २ सय २७, ७ मा ३ सय १४, ८ मा १ सय ८०, ९ मा १ सय ९५, ११ मा ३ सय, १२ मा २ सय २२ घरपरिवारलाई राहत प्रदान गरेको छ । प्रतिपरिवार करिव ९ हजार बरावरको सामाग्री प्रदान गरिएको उपप्रमुख विद्यालक्ष्मी गुरुङ्गले बताए ।