काठमाडौं- विश्वमा कोरोना महामारीका कारण ज्यान गुमाउनेको संख्या २ लाख ४८ हजार नाघेको छ ।

वल्डोमिटर्स्को सोमबार बिहानसम्मको तथ्याङ्क अनुसार कोरोना भाइरस संक्रमणका कारण २ लाख ४८ हजार १३७ जनाको ज्यान गएको हो ।

सबैभन्दा धेरै अमेरिकामा ६८ हजार ५६९ जनाको ज्यान गएको छ ।

पछिल्लो २४ घण्टामा अमेरिकामा १ हजार १२५ जनाको ज्यान गएको छ ।

इटलीमा २८ हजार ८८४, स्पेनमा २५ हजार २६४, बेलायतमा २८ हजार ४४६, फ्रान्समा २४ हजार ८९५ जनाको ज्यान गइसकेको छ ।

कोरोना भाइरसको संक्रमितको संख्या ३५ लाख ६२ हजार नाघिसकेको छ ।

२१ लाख ६१ हजार ५१३ जनाको उपचार भइरहेको छ ।

जसमध्ये ५० हजार ४३ जनाको अवस्था गम्भीर रहेको छ ।

निको हुनेको संख्या पनि दैनिक बढ्दो अवस्थामा छ ।

हाल सम्म ११ लाख ५३ हजार ८४७ जना निको भएका छन् ।