काठमाण्डौ – आफ्नो देश फर्कन पाउनुपर्ने मागसहित चिनियाँ नागरिकले सिंहदरबारको मूल गेटमा प्रदर्शन गरेका छन् ।झण्डै ५० जनाको संख्यामा रहेका चिनियाँले सिंहदरबारको निषेधित क्षेत्र तोडेको र लकडाउनको उल्लंघन गरेको भन्दै प्रहरीले बल प्रयोग गरेपछि झडप भएको छ । झडपमा सिंहदरबार प्रभागका प्रहरी नायब उपरीक्षक डीएसपी हरिबहादुर बस्नेत घाइते हुनुभएको छ ।

केही चिनियाँ पनि घाइते भएको महानगरीय प्रहरी कार्यालयका एसएसपी किरण बज्राचार्यले उज्यालोलाई जानकारी दिनुभयो । आजै दिउँसो उनीहरु प्रधानमन्त्री निवास बालुवाटार प्रदर्शनको लागि गएकोमा प्रहरीले भगाएको थियो । अहिले उनीहरु सबैलाई पक्राउ गरिएको पनि बज्राचार्यले बताउनुभयो ।