भैरहवा

भारतले नेपाली भूभाग लिपुलेक हुँदै मानसरोबर जाने सडक बनाएको भन्दै नेपाल विद्यार्थी संघले भैरहवामा विरोध प्रदर्शन गरेको छ । सीमा मिचिँदा पनि थाहा नपाएझैं गरी चुप लागेर बस्ने वर्तमान सरकारको कार्यले थप शसंकित बनाएकोले विरोध प्रदर्शनमा उत्रिएको नेविसंघ सिद्धार्थनगर समितिका सभापति प्रतिक भण्डारीले बताउनु भएको छ ।

नेविसंघ सिद्धार्थनगरले बुद्धचोक, नारायणस्थान, मिलनचोक, देवकोटाचोक, बैंकरोड लगायतका स्थानमा विरोध प्रदर्शन गरेको जनाएको छ ।
विरोध कार्यक्रममा बोल्दै नेविसंघका निवर्तमान केन्द्रीय सदस्य लेखनाथ भट्टराईले सरकारले कुटनीतिक पहलमार्फत सीमा समस्याको समाधानतर्फ ध्यान नदिए भोलिका दिनमा अझ कडा संघर्षमा उत्रिन बाध्य हुने बताउनु भयो । भटटराइले भारतले नेपालको भूमि लिपुलेक हुँदै चीनको मानसरोवर पुग्ने सडक निर्माण गरी उद्घाटन गर्दा पनि सरकार चुप बसेको आरोप लगाउनु भयो । वर्तमान सरकारले सीमा समस्या समाधानमा ध्यान नदिए सरकारको आयु समाप्त हुने दावी समेत विधार्थी नेताहरुले गरेका छन ।