काठमाडौं- नेपालमा थप १२ जनामा कोरोना पुष्टि भएको छ । यो सँगै कोरोना संक्रमितको संख्या ७ सय १ पुगेको छ ।

मंगलबार बिहान सुर्खेतको वीरेन्द्रनगर नगरपालिका १ मा एक जना, वडा नम्बर २ मा एक महिलासहित ५ जना, वडा नम्बर ३ मा एक जना, वडा नम्बर ६ मा एक जना पुरुषमा कोरोना पुष्टि भएको सामाजिक विकास मन्त्रालय कर्णाली प्रदेशले जानकारी दिएको छ ।

यस्तै सुर्खेतको भेरीगंगा नगरपालिका ८ मा १६ र १७ वर्षीय दुईजना पुरुषमा र सिम्ता गाउँपालिका(४ मा ३५ र ४९ वर्षीय पुरुषमा कोरोना पुष्टि भएको सामाजिक विकास मन्त्रालयले जनाएको छ ।

मन्त्रालयले सबै जना स्वास्थ्यकर्मीको सम्पर्कमा भएको जनाएको छ । योसँगै कर्णाली प्रदेशमा संक्रमितको संख्या २३ पुगेको छ ।

त्यस्तै अहिलेसम्म ११२ जना विभिन्न अस्पतालबाट डिस्चार्ज भएका छन् ।