काठमाडौं- विश्वमा कोरोना संक्रमणका कारण हाल सम्ममा ३ लाख ६१ हजार ९ सय ९६ जनाको मृत्यू भएको छ ।

यो समाचार तयार पार्दा सम्ममा ५९ लाख ४ हजार २ सय ८४ जनामा कोरोना संक्रमण पुष्टि भएको छ ।

वल्डोमिटर्सले प्रकाशित गरेको तथ्यांक अनुसार २५ लाख ७९ हजार ५ सय ५ जना निको भएर घर फर्किएका छन् ।

सर्वाधिक मृत्यु हुने देशको सूचीमा पनि अमेरिका अघि छ ।

त्यहाँ मृत्यु हुनेको संख्या १ लाख नाघेको छ ।

त्यस्तै, बेलायतमा ३७ हजार ९ सय १९, इटालीमा ३३ हजार १ सय ४२, फ्रान्समा २८ हजार ६ सय ६५ जनाको मृत्यु भइसकेको छ ।

नेपालमा पनि संक्रमितको संख्या १ हजार ४२ पुगेको छ ।

शुक्रबार बिहान सम्म ५१ जिल्लामा संक्रमण पुष्टि भएको छ ।

संक्रमितमध्ये ५ जनाको मृत्यु भएको छ भने १ सय ८७ जना संक्रमणमुक्त भएका छन् ।