काठमाडौँ

नेपालमा आज (शनिबार) थप एक सय ८९ जनामा कोरोना भाइरसको संक्रमण देखिएको छ । योसँगै कुल सङ्क्रमितको संख्या १ हजार चार सय १ जना पुगेका स्वास्थ्य तथा जनसङ्ख्या मन्त्रालयले पुष्टि गरेको छ।

पछिल्लो २४ घण्टामा थप १८९ जनाका सङ्क्रमण पुष्टि भएको मन्त्रालयले जनाएको छ । नियमित पत्रकार सम्मेलनमा मन्त्रालयका प्रवक्ता डा विकास देवकोटाले देशको विभिन्न प्रयोगशालामा गरिएको परीक्षणमा १८५ पुरुष र चार जना महिला सङ्क्रमण भेटिएको बताए ।

शनिबार देखिएको सङ्क्रमितको सङ्ख्या हालसम्मकै सबैभन्दा धेरै  हो । यसअघि शुक्रबार १७० र बिहीबार १५६ जनामा सङ्क्रमण देखिएको थियो ।