तिलोत्तमा -नेपालमै पहिलो शंकरनगर खानेपानी उपभोक्ता तथा सरसफाई संस्थाले निशुल्क बायो शौचालय संचालनमा ल्याएको छ । आईतवार तिलोत्तमा नगरपालिकाका मेयर बासुदेव घिमिरेले तिलोतमाको हाइवयसडकमा निर्मित बायो शौचालयको उद्धघाटन गर्नभयो।
संस्थाद्धारा निर्माण गरिएको बायो शौचालय नेपाल कै नमुना भएको र उक्त बायो शौचालयले तिलोत्तमाको खुल्ला दिशापिसाव मुक्त बनाउनका लागी थप मद्धत पुग्ने बताउनु भयो।
मेयर घिमिरेले सस्थाद्धारा गरिएको कार्यको प्रशंसा तथा शुभकामना दिदैं बायो शौचालय निमार्ण कार्यलाई मंसिर पौष सम्ममा कोटीहवा सम्म विस्तार गर्दे लाने प्रतिबद्धता समेत जनाउनु भएको थियो ।
संस्थाका अध्यक्ष हरि प्रसाद तिवारीले हाल १३ वटा बायो शौचालय निर्माण गरी संचालनमा आएको बताउनु भएको छ ।
जस मध्य १० वटा सिंगल सिटर योगीकुटी देखि डाईभरटोल चोकसम्म सिक्स ल्याण्ड सडकमा र ३ वटा डवल सिटर डाईभरटोल हाटवजार, योगीकुटी हाटबजार र मगरघाटमा सञ्चालनमा रहेको अध्यक्ष तिवारीले बताउनु भयो ।
उक्त बायो शौचालयको सिंगल सिटर टवाईलेटको लागत रु ७ लाख र डवलसिटर टवाइलेटको १२ लाख पैतिस हजार रुपैया गरी कुल लागत रु एक करोड सात लाखमा आयोजना सम्पन भएको अध्यक्ष तिवारीले बताउनु भयो ।