काठमाडौँ- विश्वभर कोरोना संक्रमितको संख्या एक करोड नजिक पुगेको छ ।

पछिल्लो २४ घण्टामा एकलाख ९३ हजार नयाँ संक्रमित भेटिएसँगै कोरोना संक्रमितको एक करोड नजिक पुगेको हो ।

वल्डोमिटरको तथ्यांक अनुसार २१३ देशका ९९ लाख ४ हजार ९ सय ६० बढीमा कोरोना संक्रमण पुष्टि भएको छ ।

संक्रमित मध्ये ५३ लाख ५७ हजार ७ सय जना कोरोना जितेर निको भएका छन । कोरोना कै कारण ४ लाख ९६ हजार ८ सय ६६ ले ज्यान गुमाएका छन ।

४० लाख ५० हजार उपचार गराइरहेका छन । ती मध्ये ५७ हजार ६ सय ४३ बढीको अवस्था गम्भिर छ ।

कोरोना संक्रमितको संख्या सबैभन्दा बढी अमेरिकामा छ । अमेरिकामा २५ लाख ५२ हजार बढीमा कोरोना पुष्टि भएको छ । ब्राजिलमा संक्रमितको संख्या १२ लाख ८० हजार भन्दा बढी छ ।