जल तथा मौमस विज्ञान विभाग मौसम पूर्वानुमान महाशाखाले मनसुनी वायुको प्रभाव कायमै रहेको जानकारी दिँदै सतर्क रहन सबैमा आग्रह गरेको छ ।

महाशाखाकाअनुसार बुधबार प्रदेश १, २, ५, बागमती र गण्डकी प्रदेशका केही स्थानमा भारी वर्षा हुने सम्भावना छ ।

मुुलुकका केही स्थानमा अहिले हल्का वर्षा भइरहेको छ । दिउँसोबाट मौसम बद्लिएर केही ठाउँमा हल्का र केही ठाउँमा मध्यम वर्षा हुने सम्भावना रहेको अनुमान महाशाखाले गरेको छ ।

वर्षा हुने स्थानका नदी तथा खोलाहरुमा पानीको बहाव बढ्ने, बाढीपहिरो जाने, सडक अवरुद्ध भएर सवारी आवागमन प्रभावित बन्ने, तराई क्षेत्रमा डुबान हुने भन्दै सावधानी अपनाउन महाशाखाले आग्रह गरेको छ ।

यो अवस्था आगामी शुक्रबारसम्म रहन सक्ने अनुमान महाशाखाको छ ।