संक्रमण दर उच्च रहेको छिमेकी मुलुक भारतमा कोरोना भाइरसका कारण संक्रमित हुनेको संख्या १४ लाख नजिक पुगेको छ ।

एकै दिन ४८ हजार चार सय ७४ संक्रमित थपिएसँगै भारतमा हालसम्म संक्रमित १३ लाख ८५ हजार चार सय ९४ पुगेको छ ।

यही अनुपातमा नयाँ बिरामी थपिँदै जाने हो भने भारतमा चाँडै संक्रमति संख्या १४ लाख नाघ्ने अनुमान गरिएको छ ।

कोरोनाका कारण ३२ हजार ९६ ले ज्यान गुमाइसकेका छन् ।

चार लाख ६७ हजार एक सय ६३ जना उपचाररत रहेकोमा आठ हजार नौ सय ४४ जनाको अवस्था गम्भीर रहेको वाल्डोमिटरले जनाएको छ ।

हालसम्म आठ लाख ८६ हजार दुई सय ३५ जना उपचारपछि घर फर्किएका छन् ।

अमेरिकामा ४३ लाख १२ हजार दुई सय ८८ संक्रमित पुगेका छन् । पछिल्लो २४ घण्टामा ६३ हजार नौ सय ६१ नयाँ बिरामी थपिएका छन् ।

मृत्यु हुनेको सख्ंया एक लाख ५० हजार नजिक छ । एकै दिन आठ सय ५० जनाले ज्यान गुमाएपछि हालसम्म मृत्यु हुनेको संख्या एक लाख ४९ हजार तीन सय ४० पुगेको हो ।

एक लाख सात हजार दुई सय १७ जना उचाररत रहेकोमा १९ हजार २३ को अवस्था गम्भीर छ ।

ब्राजिलमा एकै दिन ४८ हजार दुई सय ३४ संक्रमित थपिएका छन् । त्यहाँ हालसम्म २३ लाख ९६ हजार चार सय ३४ बिरामी पुगेका छन् ।

पछिल्लो २४ घण्टामा एक हजार एक सय ११ जनाले ज्यान गुमाएपछि मृत्यु हुनेको संख्या ८६ हजार चार सय ९६ पुगेको छ ।

छ लाख ९२ हजार चार सय ५८ जना उपचार रहेकोमा आठ हजार तीन सय १८ को अवस्था गम्भीर रहेको वाल्डोमिटरले जनाएको छ ।

विश्वमा हालसम्म कोरोनाबाट बिरामी हुनेको संख्या एक करोड ६१ लाख ८५ हजार तीन सय १६ पुगेको छ ।

पछिल्लो २४ घण्टामा दुई लाख ५३ हजार आठ सय ७१ नयाँ बिरामी थपिएका छन् ।

एकै दिन पाँच हजार छ सय ६० जनाको मृत्यु भएसँगै विश्वमा कोरोना कारण ज्यान गुमाउनेको संख्या छ लाख ४७ हजार पाँच सय १५ पुगेको छ ।

९९ लाख पाँच सय ७६ जना उपचारपछि निको भएका छन् । ५६ लाख ३७ हजार दुई सय २५ जना उपचाररत रहेकोमा ६६ हजार दुई सय छ जनाको अवस्था चिन्ताजनक छ ।