बुटवल,।
बुटवल उपमहानगरपालिकाका ३३ सहित मंगलबार रुपन्देहीमा थप ५५ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा १९ महिला र ३६ पुरुष गरी रुपन्देहीमा थप ५५ जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।
यससँगै रुपन्देहीमा कोरोना संक्रमितको संख्या २ हजार १ सय २७ पुगेको छ ।

स्वास्थ्य कार्यालय रुपन्देहीका अनुसार मंगलबार बुटवल उपमहानगरपालिकाका १२ महिला र २१ पुरुष गरी ३३ जना, सिद्धार्थनगर नगरपालिकाका ११ जना, तिलोत्तमा नगरपालिकाका ५ जना,सैनामैना नगरपालिकाका ३ जना र देवदह नगरपालिकाका १ जना गरी ५५ जनामा कोरोना भाइरस संक्रमण पुष्टि भएको छ ।

रुपन्देहीमा हालसम्म १ हजार ३ सय ३९ जना कोरोना संक्रमित निको भएका छन भने हाल ७ सय ८८ जना उपचाररत रहेको स्वास्थ्य कार्यालय रुपन्देहीले जनाएको छ । जिल्लामा हासम्म २१ जना कोरोना संक्रमितको मृत्यु भएको छ ।