पाल्पा।
पाल्पाको रम्भा गाउँपालिका–२ बेलौजामा बिहीबार बिहान गएको पहिरोमा पुरिएर बेपत्ता भएका पाँचै जनाको शव फेला परेको छ ।

बेपत्ता तीन बालबालिकाको दिउँसो र दुई जनाको भने शुक्रबार बेलुका शव फेला परेको प्रहरीले जनाएको छ ।

घरधनी ६० वर्षीय हुमबहादुर गाहा र उनकी श्रीमती ५० वर्षीया हुमीसरा गाहाको शव शुक्रबार बेलुका र कृष्णमाया गाहा, लक्ष्मी गाहा, र खुसीसारा आलेको शव शुक्रबार दिउसो फेला परेको जिल्ला प्रहरी कार्यालय पाल्पाका सूचना अधिकारी मदन गिरीले जानकारी दिए ।

बिहीबार बिहानैदेखि उनिहरु पहिरोमा पुरिए पनि लगातारको वर्षाका कारण खोजीकार्य हुन सकेको थिएन । शुक्रबार बिहानदेखि नै नेपाल प्रहरी, सशस्त्र प्रहरी बल, नेपाली सेना र स्थानीयवासी खोजी कार्यमा खटिएका थिए ।