काठमाडौं – यस वर्षको बडा दशैंको विजयादशमीको टिकाको साइत नेपालमा विहान १० बजेर १९ मिनेटमा रहेको छ । कात्तिक १० गते विहान उक्त साइतमा नेपालमा बडा दशैंको टिका लगाइने भएपनि विदेशमा रहेका नेपालीहरुका हकमा समस्या पर्ने गरेको छ ।

विदेशमा रहेका नेपालीहरुले आफु जुन देशमा रहेको हो सोहि अनुरुप साइत मिलाएर बडा दशैंको विजयादशमीको टिका लगाउन सकिने अन्तराष्ट्रिय पञ्चाङ्ग निर्णय समितिले जनाएको छ ।

विदेशमा रहेका नेपालीहरुलाई विजयादशमीको टिका लगाउन सहज होस् भन्ने हेतूले अन्तराष्ट्रिय पञ्चाङ्ग निर्णय समितिले देश अनुसार टिका लगाउने साइत प्रकाशित गरिदिएको छ ।

समितिका अनुसार नेपालमा कात्तिक १० गते विहान १०ः१९ बजे विजयादशमीको टिकाको उत्तम साइत रहेको छ । भारतमा रहेका नेपालीहरुले सोहि दिन १०ः३५ बजे टिका ग्रहण गर्न सक्छन् । अमेरिकाको न्यूयोर्कमा विहान ११ः०५, केन्टुकीमा ११ः०७, टेक्सासमा ११ः५७ र क्यार्लिफोनियामा ११ः४५ बजे विजयादशमीको टिका ग्रहण गर्न सक्ने समितिका अध्यक्ष प्रा.डा. माधबप्रसाद भट्टराईले जनाएका छन् ।

यसैगरी बेलायतको लण्डनमा ११ः३९, क्यानडाको टोरन्टोमा ११ः४३ बजे टिकाको उत्तम साइत रहेको छ ।

कुन देशमा कुन समयमा छ टिकाको साइत हेर्नुहोस