बुटवल, कात्तिक २७ -कोरोनाबाट रुपन्देहीमा थप एक जनाको मृत्यु भएको छ । यो अस्पतालमा आजै बिहान २ जना संक्रमितको मृत्यु भएको थियो ।
बुटवल उपमहानगर २ का ७१ बर्षीय पुरुषको उपचारकै क्रममा बिहिबार साँझ ६ बजेतिर मृत्यु भएको अस्पतालका सूचना अधिकारी डा बिष्णु गौतमले जानकारी दिए । कात्तिक २५ गते लुम्बिनी प्रादेसिक अस्पताल ल्याइएका उनको पिसीआर टेष्ट गर्दा कोरोना पोजेटिभ देखिएको थियो । प्रादेसिक अस्पतालको फिबर क्लिनीकमै राखीएका ती संक्रमितलाइ आज स्वास्थ्य अवस्था गम्भिर भएपछि कोरोना अस्पताल पठाइएको थियो । कोरोना अस्पतालको आइसीयु बेड खाली नभएकाले संक्रमितलाइ फिबर क्लिनीमा राख्नु परेको अस्पतालले जनाएको छ । आज बिहान आइसीयुमा उपचारत संक्रमितको मृत्यु भएपछि खाली भएको बेडमा ती बिरामीलाइ सिफ्ट गरीएपनि साँझ पौने ६ बजे मृत्यु भएको अस्पतालका कोरोना फोकल पर्सन डा सुदर्शन थापाले बताए ।
आजै (बिहीबार)बिहान कोरोना विशेष अस्पतालमा थप दुइ जना कोरोना संक्रमितको मृत्यु भएको थियो । रुपन्देहीको देवदह नगरपालिका ७ का ४७ बर्षीय पुरुष र अर्का एक जना गुल्मीको रेसुङ्गा नगरपालिका १ का ६८ बर्षीय पुरुषको आज बिहान उपचारकै क्रममा मृत्यु भएको अस्पतालका सूचना अधिकारी डा बिष्णु गौतमले बताए ।