बुटवल ।
नेपालमा बिहीबार थप ५ सय ३४ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा ६ हजार पिसिआर परीक्षण गर्दा ५ सय ३४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यससँगै नेपालमा कोरोना संक्रमितको संख्या २ लाख ६० हजार ५ सय ९३ पुगेकोे छ ।
यस्तै पछिल्लो २४ घण्टामा थप ४ सय ४७ जना कोरोना संक्रमित निको भएर डिस्चार्ज भएका छन् ।

नेपालमा हालसम्म निको हुनेको संख्या २ लाख ५२ हजार ३ सय ५९ पुगेको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घण्टामा थप ९ जना कोरोना संक्रमितको मृत्यु भएको छ ।

यससँगै नेपालमा कोरोना संक्रमित मृतकको संख्या १ हजार ८ सय ५६ पुगेको छ ।

हाल देशभर ६ हजार ३ सय ७८ जना सक्रिय संक्रमित रहेका छन् ।

देशभर हाल ३ सय ६२ जना क्वारेन्टाइनमा रहेका छन् ।