काठमाडौं – प्रधानमन्त्री केपी शर्मा ओलीले आकस्मिक रुपमा मन्त्रिपरिषद्को बैठक बोलाएका छन्।

बैठक १२ः१५ बजे बस्ने प्रधानमन्त्री ओलीका सञ्चारविज्ञ रामशरण बजगाइँले थाहाखबरलाई जानकारी दिए।  प्रतिनिधिसभा विघटन गरेका प्रधानमन्त्री ओलीले आजै राष्ट्रियसभामा सम्बोधन गर्दैछन्। राष्ट्रिसभा बैठकमा जानु अघि ओलीले मन्त्रिपरिषद् बैठक डाकेका हुन्।

बैठकमा गत पुस १७ गते सुरु भएको राष्ट्रियसभाको हिउँदे अधिवेशन अन्त्य गर्ने विषयमा छलफल हुने बताइएको छ।  मन्त्रिपरिषद् बैठक भोली पनि बस्दैछ। सम्भवतः भोली बस्ने मन्त्रिपरिषद् बैठकले राष्ट्रियसभाको हिउँदे अधिवेशन अन्त्यका लागि राष्ट्रपतिलाई सिफारिस गर्ने बताइएको छ।