कञ्चन
कञ्चनमा जारी कञ्चन गाउपालिका वडा स्तरिय फुटवल लिग प्रतियोगिताको तेश्रो दिन वडा नं १ र ३ बिच प्रतिस्पर्धा भएको छ। आइतवार वडा नं। १ र ३ बिच भएको प्रतिस्पर्धामा वडा नं १ ले वडा नं ३ लाई १ ० गोल अन्तरले पराजित गरी ए पोलको पहिलो स्थानमा रहेको छ।
यस्तै वडा नं। २ र ४ बिच भएको प्रतिस्पर्धामा दुबै टिमले २ २ गोल गरी बराबर अंक बाडेका छन भने खेलको आधारमा बि पोलमा वडा नं। ४ पहिलो स्थानमा रहेको खेल संयोजक तेजिन्द्र पुनले जानकारी दिनुभएको छ।
कञ्चनमा पहिलो पटक संचालन भएको लिगकम नकाउट प्रतियोगिताको बिजेताले ५० हजार ५ सय ५५ रुपैया र शिल्ड प्राप्त गर्नेछन भने उप बिजेताले ३० हजार ३ सय ३३ रुपैया नगद पुरस्कार प्राप्त गर्नेछन।
एकता युवा क्लव,कञ्चन ५,रुपन्देहीको आयोजना तथा गौतम बुद्ध सामुदायिक बिकास केन्द्र र जागृत तथा सकृय युवा समूहको सहयोगमा संचालन भएको फुटवल लिग प्रतियोगिताको शुभारम्भ कञ्चन गाउपालिकाका अध्यक्ष गोकर्ण बहादुर क्षेत्रीले गर्नु भएको हो भने खेल कञ्चन ५ पिपरीचापा स्थित डाडालाइन खेलमैदानमा गत शुक्रवार देखि शुरु भएको हो ।
प्रतियोगितामा कञ्चन गाउपालिकाका ५ वडाका खेलाडी र आयोजक गरी ६ टिम बिच प्रतिस्पर्धा रहने छ।