काठमाडौं -नेपालमा शनिबार थप २६ सय १८ जनामा कोरोना पुष्टि भएको छ ।

देशभर गरिएको सात हजार ५ सय २५ पिसिआर परिक्षणका क्रममा २४ सय ८६ र ११४३ वटा एन्टीजेन परिक्षणका क्रममा १३२ जनामा कोरोना पुष्टि भएको स्वास्थ्य मन्त्रालयले जनाएको छ ।

यो संगै नेपालमा कोरोना संक्रमितको संख्या दुई लाख ९७ हजार ८७ पुगेको छ ।

त्यस्तै कोरोनाका कारण थप १४ जनाको मृत्यु भएको छ । यससँगै हालसम्म नेपालमा तीन हजार १ सय ३६ जनाको कोरोनाका कारण मृत्यु भएको  जनाएकाे छ ।

त्यस्तै थप ३६८ संक्रमित निको भएका छन् भने नेपालमा हालसम्म दुई लाख ७७ हजार १२३ जना संक्रमणमुक्त भएका छन् ।

हाल नेपालमा १६ हजार ८२८ संक्रमित आइशोलेशनमा छन् भने ७१ जना क्वारेन्टाइनमा छन् ।

नेपालमा हालसम्म २३ लाख ९५ हजार ७२५ वटा पिसिआर परिक्षण गरिएको मन्त्रालयले जनाएको छ ।