काठमाण्डाै – काठमाण्डाै उपत्यकाका तीन जिल्लामा यही वैशाखदेखि १६ मध्यरातदेखि निषेधाज्ञा लगाउने तयारी भएकाे भएकाे छ ।

साेमवार बसेकाे उपत्यकाका तीन जिल्लाका प्रमुख जिल्ला अधिकारीकाे संयुक्त बैठकले काेराेना सङ्क्रमणकाे जाेखिम बढ्दै गएकाले काठमाण्डाै, भक्तपुर र ललितपुरमा निषेधाज्ञा लगाउने तयारी गरेकाे हाे । निषेधाज्ञाकाे औपचारिक निर्णय भने आउन बाँकी छ ।

यसअघि आइतवार बसेकाे काेभिड–१९ सङ्कट व्यवस्थापन केन्द्र अर्थात् सीसीएमसीकाे बैठकले काठमाण्डाै उपत्यकालगायत सहरी क्षेत्रमा निषेधाज्ञा लगाउन सिफारिस गरेकाे थियाे ।

सीसीएमसी बैठकले लकडाउन गर्नुपर्ने र त्यो नभए निषेधाज्ञामा जानुपर्ने सुझाएको थियो । यस्तै पहाडी जिल्लामा दुई सय र सहरी क्षेत्रमा पाँच सय सक्रिय सङ्क्रमित भएमा ती क्षेत्रमा निषेधाज्ञा गर्न सक्ने गरी सिफारिस गरिएको छ ।