रुपन्देहीको सिद्धार्थनगर नगरपालिका–१ डण्डाबाट सशस्त्र प्रहरीले १० लाख भारतीय रुपैयाँसहित तीन जनालाई नियन्त्रणमा लिएको छ।

स्रोत नखुलेको १० लाख भारतीय रुपैयाँसहित भारत महाराजगन्ज जिल्ला सुनौली ग्रामपञ्चायत २० सुनौली बस्ने ३८ वर्षीय राजु कौशल, गोरखपुर जिल्ला हमायुपुर दक्षिण गोरखपुर बस्ने ४० वर्षका अभिनव जैसवाल र ३४ वर्षीय आस्तिक त्रिपाठीलाई नियन्त्रणमा लिइएको सशस्त्र प्रहरी बल नेपाल नम्बर २७ गण हेक्का का प्रवक्ता डीएसपी दुुर्गा बहादुर थापाले जानाकारी दिए।
विशेष सूचनाका आधारमा सशस्त्र प्रहरी बल नेपाल प्रस्तावित सीमा सुरक्षा गुल्म डण्डाले बेलहियाबाट भैरहवातर्फ आउँदै गरेको लु २ च ७३५० नम्बरको होटल लाकौल र प्रदेश ०१–०२६ च ३६५२ नम्बरको नान्स होटलको भ्यानमा सवार उनीहरूको साथमा रहेको उल्लिखित भारतीय रुपैयाँको स्रोत खुलाउन नसकेपछि नियन्त्रणमा लिएको हो।
पक्राउ परेका राजु कौशलको साथमा ९ लाख तथा अभिनव जैसवाल र आस्तिक त्रिपाठीको साथमा १ लाख भारतीय रुपैयाँ फेला परेको डीएसपी थापाले बताए।