तिलोत्तमा -न्यू संगम आमा समूह तिलोत्तमा १ रूपन्देहीको चौथो साधारणसभा तथा तेस्रो अधिवेशन नयाँ नेतृत्व गर्दै सम्पन्न भएको छ । जसको अध्यक्षमा मेनुका तिवारी चयन भएकी छन् । ९ सदस्यीय समितिको उपाध्यक्षमा चन्द्रकला कडेल , सचिवमा सरिता कडेल , कोषाध्यक्ष बालिका कडेल चयन भएको निर्वाचन समिति संयोजक उमापति न्यौपानेले बताए । त्यसैगरी सदस्यहरूमा पवित्रा भण्डारी , लक्ष्मी कडेल , निर्मला पाण्डे , सुनिता ढकाल र लिला भण्डारी चयन भएका छन् ।

प्रमुख अतिथि गीतादेवी न्यौपानेले महिलाहरू घर बस्ने समय नभएको बताइन् । उनले कसैले पनि आमा समूहलाई हेयको दृष्टिकोणले नहेर्न आग्रह गर्दै जुनसुकै सहयोगका लागि प्रतिवद्ध रहेको बताइन् ।

विशिष्ट अतिथि वडा सदस्य मिलन रानाले विभिन्न व्यवस्था परिवर्तनमा महिलाको भूमिका महत्त्वपूर्ण रहेको बताए । उनले सामाजिक विकृतिको विरूद्ध आमा समूह रहेको औल्याउँदै चूलोचौकोमै सिमित महिला हाल विभिन्न तहमा रहेको बताए । उनले महिला सशक्तीकरणको लागि वडाले महिलालक्षित कार्यक्रममा जोड दिएको बताए । कार्यक्रममा १ नम्बर वडा सञ्जाल अध्यक्ष डिल्लीराज कडेल , शंकरप्रसाद कडेललगायतले बोलेका थिए समूहले समूहभित्रका १० जना जेयष्ठ नागरिकलाई सम्मानसमेत गरेको छ ।