काठमाडौँ – राष्ट्रिय खेलकुद परिषद्  का नवनियुक्त उपाध्यक्ष ध्रुव आचार्यले सोमबार पद वहाली गर्नुभएको छ ।

उहाँलाई युवा तथा खेलकुद मन्त्रालयमा सोमबारै मनोनयन पत्र हस्तान्तरण गर्नुका साथै युवा तथा खेलकुद मन्त्री तेजुलाल चौधरीले पद तथा गोपनीयताको शपथ गराउनुभएको थियो । त्यसपछि राखेपका सदस्य सचिव टंकलाल घिसिङ लगायत पदाधिकारीले उपाध्यक्ष आचार्यलाई राखेपमा स्वागत गर्नुभएको थियो ।

पुस १६ गतेको मन्त्रिपरिषद् बैठकले बुटवल उप महानगरपालिका-७ का आचार्यलाई उपाध्यक्षमा मनोनयन गर्ने निर्णय गरेको थियो । यसअघिका उपाध्यक्ष शिव कोइरालाको २०८१ साल साउन ११ गते पदावधी सकिएपछि राखेपको उपाध्यक्ष पद रिक्त रहँदै आएको थियो । आचार्य मदन भण्डारी स्पोर्टस् एकेडेमीका अध्यक्ष हुनुहुन्छ ।