रुपन्देही प्रहरीले बालुवा चोरी निकासी गरी ओसारपसार गरिरहेको अवस्थामा ३ वटा सवारी साधन नियन्त्रणमा लिएको छ ।

जिल्ला प्रहरी कार्यालय मातहतको अस्थायी प्रहरी पोष्ट रमवापुरबाट  हिजो ड्युटीमा खटिएको प्रहरी टोलीले मायादेवी गाउँपालिका वडा नं। ५ लुकठहवाबाट ती सवारी साधन नियन्त्रणमा लिएको हो । प्रहरीले लु २ त ५७२९नम्बर, लु ४ त ३३३३ नम्बर र लु ४ त ३८५४ नम्बरको ट्याक्टरलाई बालुवा चोरी निकासी गरी ओसारपसार गरिरहेको अवस्थामा नियन्त्रणमा लिइएको जनाएको छ ।

नियन्त्रणमा लिईएका सवारी साधनलाई आवश्यक कारवाहीको लागि मायादेवी गाउँपालिकाको कार्यालयमा पठाइएकोमा पालिकाले कारवाही स्वरुप रु। ९२ हजार ४४० जरिवाना लिएको प्रहरीले जनाएको छ ।