तिलोत्तमा, रुपन्देही प्रहरीले भन्सार छलीका बिभिन्न अबैध सामान प्रहरीले नियन्त्रणमा लिएको छ । जेठ १० र ११ गते जिल्ला प्रहरी कार्यालय रुपन्देही तथा मातहतका स्थानहरुबाट खटिएको प्रहरी टोलीले अन्दाजी आठ लाख २७ हजार बराबरका अबैध सामान प्रहरीले नियन्त्रणमा लिएको जनाएको छ ।

भारतबाट नेपालतर्फ अबैध रुपमा भन्सार छली चोरी पैठारी गरी ल्याउदै गरेको सुट ९० पीस, लेडिज व्लाउजको थान कपडा ९ रोल, पानी बर्षादी ३६, जुत्ता १० जोर, चिनी १२ बोरा , मैदा ३ बोरा , भैसी तथा पाडा ३ वटा, किराना सामानहरु, कस्मेटिक्स सामानहरु , बोइलर कुखुरा ३६ वटा बरामद गरेको रुपन्देही प्रहरी प्रबक्ता एवं प्रहरी नायव उपरिक्षक सुरज कार्कीले जानकारी दिनुभयो ।

बरामद गरिएको अन्दाजी आठ लाख २७ हजार ९ सय चालिस बराबरको सामान का साथमा भारतिय नंको यूपी ५६ पी ००९६ को मोटरसाइकल को साथै लु ५८ प ६५४४ , लु ३५ प २९६७ र लु ३ प ६०४३ नं को मोटरसाइकल रहेको प्रहरीले बताएको छ ।

बरामद गरेको सामानहरु आबश्यक कार्यवाहिका लागि भैरहवा भन्सार िकार्यालय तथा पशु क्वारेन्टाइन चेक पोष्ट कार्यालय बेलहिया रुपन्देहीमा बुझाइएको रुपन्देही प्रहरी प्रवक्ता एवं प्रहरी नायव उपरिक्षक सुरज कार्कीले जानकारी दिनुभएको छ

।