बुटवल , नेपालमा प्रतिबन्धित लागु औषध सहित रुपन्देही प्रहरीले २ जनालाई पक्राउ गरेको छ । भैरहवाको उद्योगपुरीबाट प्रतिबन्धित लागु औषध सहित २ जना पक्राउ परेका हुन् ।

पक्राउ पर्नेमा रुपन्देही मर्चवारी गाउँपालिका वडा नं। ६ बस्ने ३२ वर्षिय हरिद्वार प्रसाद कुर्मी र सोही स्थानका ३३ वर्षिय पिन्टु यादव रहेका छन् ।

रुपन्देही प्रहरीको लागुऔषध नियन्त्रण व्युरो शाखा कार्यालय भैरहवा र अस्थायी प्रहरी बिट गल्लामण्डी रुपन्देहीबाट खटिएको संयुक्त प्रहरी टोलीले चेकजाँच गर्ने क्रममा कुर्मीले चलाएको भारतिय नम्बरको मोटरसाइकलमा पछाडी सवार यादवले भिरेको झोलाबाट प्रतिबन्धित लागु औषध बरामद भएको प्रहरीले जनाएको छ ।

प्रहरीका अनुसार उनीहरुबाट डाईजेपाम १०० एम्पुल, फेनेरागन १०० एम्पुल र नुफिन १०० एम्पुल लागु औषध सहित बरामद भएको हो । नियन्त्रणमा रहेको मोटरसाईकल सहित उनीहरु माथि लागु औषध कुसरमा आवश्यक अनुसन्धान भईरहेको प्रहरीले जनाएको छ ।