काठमणडौ – नेपाल विद्युत् प्राधिकरणले चार उद्योगको विद्युत् लाइन काटेको छ । प्राधिकरणले घोराही सिमेन्ट ९दाङ०, अर्घाखाँची सिमेन्ट लुम्बिनी, त्रिवेणी स्पिनिङ परवानीपुर र जगदम्बा स्टील अमलेखगञ्ज को बिजुलीको लाइन बिहान काटेको हो ।

बिजुलीको बक्यौता रकम नतिरेकाले लाइन काटेको प्राधिकरणको भनाइ छ । यो बक्यौता २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको थप महसुल हो । डेडिकेटेड तथा ट्रङ्क लाइन विवाद कायमै रहेका बेला विद्युत् प्राधिकरणले बक्यौता भुक्तानी गर्न पछिल्लो पटक २१ दिनको समयसिमा दिएको थियो ।

यो समयसीमा सकिएसँगै प्राधिकरणले उद्योगहरुको लाइन काट्न शुरु गरेको हो । तर उद्योगीहरुले प्राधिकरणले त्यसको बिल प्रमाण दिन नसकेकाले बक्यौता नबुझाउने अडान लिएका छन् ।