काठमाडौँ : ऊर्जामन्त्री कुलमान घिसिङले राजनीतिमा सक्रिय रहेका मन्त्रीहरूलाई पद छाड्न प्रधानमन्त्रीले दिएको निर्देशनपछि आफ्नो धारणा सार्वजनिक गरेका छन्।

प्रधानमन्त्रीको निर्देशनबारे आज पत्रकारहरूले जिज्ञासा राख्दा मन्त्री घिसिङले आफू हालसम्म कुनै पनि राजनीतिक दलको सदस्य नरहेको स्पष्ट पारे। उनले अहिले नै आफू दलगत राजनीतिमा संलग्न नभएको दाबी गरे।

राष्ट्रिय स्वतन्त्र पार्टी (रास्वपा) सँग सहमति गर्दै चुनावमा होमिने तयारी गरेको समाचार सार्वजनिक भएपछि प्रधानमन्त्रीले उनलाई पद छाड्न निर्देशन दिएकी थिइन्।

यस विषयमा प्रतिक्रिया दिँदै मन्त्री घिसिङले आवश्यक परेको समयमा राजीनामा दिने तयारी रहेको पनि बताए।