बुटवल : सैनामैनामा कार र मोटरसाइकल ठोक्किदा दुईजनाको ज्यान गएकाे छ ।

पूर्व पश्चिम राजमार्ग अन्तर्गत सैनामैना सोरौलीमा बुटवलतर्फ आउँदै गरेको बा १८ च ८०१६ नम्बरको कार र विपरीत दिशातर्फ जाँदै गरेको से ४ प ७७७५ नम्बरको मोटरसाइकल एक अापसमा ठोक्किएर भएको दुर्घटनामा मोटरसाइकलमा सवार दुई जनाकै ज्यान गएकाे हाे ।

मृत्यु हुनेमा मोटरसाइकल चालक सैनामैना नगरपालिका वडा नंं १ का ५० बर्षिय तिल बहादुर सुनार र मोटरसाइकल पछाडी सवार सोही ठाउका ५६ बर्षिय खेम बहादुर सुनारको मृत्यु भएको संघिय टाफिक प्रहरी कार्यालय बुटवलले जनाएको छ ।

१:३० बजे दुर्घटनामा परी घाइते भएका दुबै जनाको लुम्विनी अञ्चल अस्पताल बुटवलमा उपचार हुदा हुदै मृत्यु भएको प्रहरीले जनाएको छ ।