बुटवल-रुपन्देहीका पहिलो कोरोना संक्रमित युवा उपचार पछि निको भएका छन् ।

शुक्रबार र सोमबारको परीक्षणमा उनको रिपोर्ट नेगेटिभ आएपछि डिस्चार्ज गरिएको कोरोना अस्पतालका डा. सुदर्शन थापाले बताए ।

उनलाई उपचारका लागि बुटवलको धागो कारखानास्थित कोरोना विषेश अस्पतालमा राखिएको थियो ।

गत ५ वैशाखमा लुकिछिपि नेपाल आएका उनमा कोरोना पोजेटिभ देखिएपछि उनलाई १९ वैशाखमा उपचारका लागि अस्पताल भर्ना गरिएको थियो ।

उनी रुपन्देहीको कोटहीमाई गाउँपालिकाका निवासी २५ बर्षे युवा हुन । कोरोना संक्रमित भएपछि अस्पतालमा उपाचाररत रहँदा छमछमती नाचेको उनको भिडियो सामाजिक सञ्चालमा भाइरल बनेको थियो ।