बुटवल- रुपन्देहीमा थप १२ जना सहित २४ जनामा कोरोना संक्रमण पुष्टि भएको छ ।

बुधबार साँझ स्वास्थ्य तथा जनसंख्या मन्त्रालयले दिएको जानकारीअनुसार रुपन्देहीमा १२ जना , कपिलवस्तु ८ जना , पर्सा ३ जना  र नवलपरासीमा १ जना कोरोना संक्रमित भेटिएका हुन् । यो सँगै कोरोना संक्रमितको संख्या २ सय ४३ पुगेको छ ।

रुपन्देही जिल्ला निवासी २२, २२, २५, २८, ३०, ३२, ३२, ३३, ४१ वर्षिय पुरुषहरु र ४, १०, २८ वर्षिय महिलाहरु संक्रमित छन ।

त्यस्तै कपिलवस्तु निवासी २२, २९, ३२, ४०, ४०, ४०, ४२, ४२ वर्षिय पुरुषहरु, पर्सा निवासी ३६, ७४ वर्षिय पुरुषहरु र ३६ वर्षिय महिला, नवलपरासी निवासी ३६ वर्षिय पुरुष संक्रमित भएको मन्त्रालयले जनाएको छ ।

स्वास्थ्य तथा जनसंख्या मन्त्रालयका अनुसार उनीहरु सबैको स्वास्थ्य अवस्था सामान्य रहेको छ ।