बुटवल
रुपन्देहीको बुटवलमा संचालीत चौराहा हस्पिटल प्रा।ली बुटवलले अस्पतालमा कार्यरत स्वास्थ्यकर्मि तथा कर्मचारीहरुको कोभिड १९ बीमा गरेको छ । अस्पतालमा कार्यरत स्वास्थयकर्मिहरु उच्च जोखिममा रहेकोले बीमा गरिएको अस्पतालले जनाउएको छ ।
कोरोना संक्रमणको अवस्था फैलदै गएको र स्वास्थ्य कर्मिहरु उच्च जोखिममा रहेको हुदाँ स्वास्थ्य कर्मि तथा कर्मचारीहरुको बीमा गरिएको चौराहा हस्पिटल प्रा।लीका निर्देशक बिरु भण्डारीले बताउनु भयो ।
अस्पतालले कार्यरत १२२ जना चिकित्सक, स्टाफ नर्स लगायत अन्य कर्मचारीहरुको जनही एक लाख बीमाङ्क रकम पाउने गरी शिखर इन्स्योरेन्स कम्पनी लिमिटेडको बुटवल स्थित शाखा कार्यालयबाट बीमा गरेको अस्पतालको मानव संशाधन बिभाग प्रमुख रवि गौतमले जानकारी दिनु भयो । गत बैशाख ७ गते देखी नेपालमा संचालीत बीमा कम्पनीहरुले १ लाख व्यक्तिगत १००० र पारिवारीक एवं सस्थागत ६०० रुपैयाका दरले र पचास हजार रुपैयाको व्यक्तिगत ५०० र पारिवारीक तथा सस्थागत ३०० रुपैयाका दरल कोरोना बीमा गर्दै आएका छन् ।
कोरोना बीमा अन्र्तगत बीमीतले बीमा गरेको १५ दिन पश्चात कोरोना संक्रमण पुष्टि पि.सि.आर रिपोर्ट पोजेटिभ भएमा बीमीतलाई तत्कालै भुत्तानीको प्रावधान रहेको छ ।