काठमाडौं ।

नेपालमा कुल कोरोना संक्रमितको संख्या २६३४ पुगेको छ । विहीबार एकैदिन ३३४ जनामा संक्रमण देखिएसँगै संक्रमितको संख्या २६ सय नाघेको हो ।

विहीबार स्वास्थ्य मन्त्रालयले गरेको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले दिएको जानकारीका अनुसार विहीबारसम्म नेपालमा ८४ हजार १३४ पिसिआर परीक्षण सम्पन्न भएको छ भने १ लाख २५ हजार ५६४ आरडिटी परीक्षण गरिएको छ ।

प्रवक्ता देवकोटाका अनुसार १ लाख ६१ हजार २६२ जना क्वारेन्टाइनमा रहेका छन् भने २ हजार ३३५ जना आइसोलेसनमा रहेका छन् । विहीबारसम्म २९० जना निको भइसकेका छन् भने १० जनाको मृत्यू भएको छ ।