दाङ ।
प्रहरीले दाङमा पाँच किलो गाईको मासुसहित ६ जनालाई पक्राउ गरेको छ । गाईको बाच्छी काटी मासु बोरामा राखेर हिँडिरहेको समयमा घोराही उपमहानगरपालिका ५ पिपलटाकुरा फुलवारी टोलबाट प्रहरीले बुधबार राति ६ जनालाई नियन्त्रणमा लिएको जिल्ला प्रहरी दाङका प्रवक्ता एव डिएसपी सुमित खड्काले जानकारी दिनुभयो ।

पक्राउपर्ने ६ जना पुरुष रहेको डिएसपी खड्काले जानकारी दिएका छन् । ’गाईको बाच्छी काटेर मासु भाग लगाएर हिँडिरहेको समयमा ५ किलो मासुसहित प्रहरीले उनीहरुलाई पक्राउ गरेको हो, ’डीएपसी खड्काले भन्नुभयोे, ’पक्राउ परेका व्यक्तिमाथि थप अनुसन्धान भइरहेको छ ।’

घट्नाको थप अनुसन्धान भइरहेकाले नाम सार्वजनिक नगरेको प्रहरीले बताएको छ । पक्राउ परेका व्यक्तिलाई गाईगोरु काट्न वा मार्न नपाइने २०७५ भाग २ परिच्छेद २७ को दफा २८९ अनुसार कारबाही पक्रिया अघि बढाइएको छ ।