काठमाडौं – पछिल्लो २४ घण्टामा २ लाख नौं हजारमा कोरोना संक्रमण पुष्टि भएको छ ।

विश्वका २१३ देशमा पछिल्लो २४ घण्टामा २ लाख नौं हजार कोरोना संक्रमण पुष्टि भएकाे हाे । वल्डोमिटरको तथ्याङक अनुसार पछिल्लाे एकदिनमा ५ हजार एकसय ७० जनाको मृत्यु भएको छ ।

विश्वमा कोरोना संक्रमितको संख्या १ करोड ११ लाख ८२ हजार ५ सय ७६ पुगेको छ । कोरोनाका कारण ज्यान गुमाउनेको संख्या ५ लाख २८ हजार ४ सय ९ पुगेको छ ।

कोरोना संक्रमण मुक्त भएर डिस्चार्ज हुनेको संख्या ६२ लाख ९२ हजार ५ सय २३ पुगेको छ ।

४३ लाख ६१ हजार ६ सय ४४ जना उपचारमा छन् । ती मध्ये ५८ हजारको अवस्था गम्भिर रहेको वल्डोमिटरले जनाएको छ ।