भारतका पूर्वराष्ट्रपति प्रणव मुखर्जीलाई कोरोना भाइरस संक्रमण देखिएको छ ।

सोमबार मुखर्जी आफैंले सामाजिक सञ्जाल ट्वीटरमार्फत आफूलाई कोरोना संक्रमण भएको जानकारी दिएका हुन् ।

८४ वर्षीय मुखर्जीले ट्वीटमा परीक्षणबाट आफूमा कोरोना संक्रमण देखिएकाले आइसोलेशनका लागि अस्पताल जान लागेको जानकारी दिएका हुन् ।

यसैगरी ट्वीटमा उनले पछिल्लो साता आफ्नो सम्पर्कमा आएका सबैलाई आइसोलेशनमा बस्न तथा संक्रमण भए–नभएको परीक्षण गर्न आग्रह गरेका छन् ।

मुखर्जी सन् २०१२ देखि २०१७ सम्म भारतको राष्ट्रपति थिए ।

भारतमा हालसम्म २२ लाख १५ हजार ७५ जना कोरोनाबाट संक्रमित भइसकेका छन् । नयाँ केसका रूपमा ६२ हजार ६४ जनामा संक्रमण देखिएको जनाइएको छ ।