तौलिहवा ।
कपिलवस्तुमा माक्स लगाउन आग्रह गर्ने प्रहरीमाथि निर्घात कुटपिट गरिएको छ । जिल्लाको शुद्धोधन गाउँपालिकाको लवनी चौराहामा मास्क नलगाएर हिडने युवाहरुलाई कारबाही गर्न खोज्दा तीन प्रहरीमाथि कुटपिट भएको हो ।

लवनी प्रहरी चौकीमा कार्यरत हवल्दारसहित ३ जनाको स्थानीयको कुटाईबाट टाउकोमा गम्भीर चोट लागेको छ ।

घटनामा घाईते भएका प्रहरी हवल्दार बिनोद कुमार बरुण, प्रहरी जवानहरु जियावन कोहार र महेन्द्र यादवको उपचार भैरहेको जिल्ला प्रहरी कार्यालय कपिलवस्तुले जनाएको छ ।

ओरापीको पहिचान भएको भएपनि उनीहरु फरार रहेको प्रहरी उपरिक्षक नवराज अधिकारीले जानकारी दिनुभयो । आरोपीहरुको खोजी भईरहेको उहाँले बताउनुभयो ।