बुटवल -नेपालमा आइतबार कोरोना भाइरस (कोभिड–१९) संक्रमणबाट थप १० जनाको मृत्यु भएको छ ।â

स्वास्थ्य तथा जनसंख्या मन्त्रालयले नियमित ब्रिफिङका क्रममा आज थप १० जनाको कोरोनाबाट ज्यान गएको जानकारी दिएको छ ।

यससँगै कोरोनाबाट मृत्यु हुनेको संख्या ४७७ पुगेको छ ।

आइतबार थप १५ सय ७३ जनामा कोरोना पुष्टि भएसँगै संक्रमितको संख्या ७३ हजार ३९४ पुगेको छ, जसमध्ये सक्रिय संक्रमितको संख्या १९ हजार १९ रहेको छ ।

यता, नेपालमा कोरोनामुक्त हुनेको संख्या ५३ हजार ८९८ पुगेको छ । कुल संक्रमितमध्ये ७३.४ प्रतिशतले कोरोना जितेकाे मन्त्रालयका प्रवक्ता प्रा.डा. जागेश्वर गाैतमले जानकारी दिए । आइतबार थप ८८५ जना कोरोना संक्रमणमुक्त भएका हुन् ।