धादिङ – धादिङको गजुरी गाउँपालिका १ काे गजुरी बजारबाट प्रहरीले सोमबार दिउँसो ६ किलाे चरेस बरामद गरेको छ ।
गल्छीबाट मुग्लिङतर्फ जाँदै गरेको ग १५ प ३३५० नम्बरको स्कुटीलाई सोमबार दिउँसो जाँच गर्ने क्रममा स्कुटीमा लुकाइ राखेको अवस्थामा ६ केजी चरेस बरामद गरिएको इलाका प्रहरी कार्यालय गजुरीका प्रहरी नायब उपरीक्षक (डीएसपी) युवराज खड्काले जानकारी दिनुभयो ।
प्रहरीले स्कुटी चालक नीलकण्ठ नगरपालिका ६ काे सुनौला बजारका २२ वर्षीय दिलीप दाहाल र पछाडि सवार त्यही ठाउँका २० वर्षीय राजन परियारलाई पक्राउ गरेको छ । उनीहरूलाई लागुऔषध नियन्त्रण ऐनअनुसार मुद्दा चलाइने प्रहरीले जनाएको छ ।
प्रकाशित मिति : सोमबार, मंसिर ८ २०७७
कम्पनी दर्ता न २२६१५४ ०७६/०७७
सुचना तथा प्रसारण बिभाग दर्ता न. १६५३ ०७६/०७७
प्रेस काउन्सिल ३६९ ०७६/०७७
जनता टुडे मिडिया प्रा. लि
सम्पर्क : ९८४७००९२८१, ९८६७११५१०३
तिलोत्तमा नगरपालिका-२, रुपन्देही
इमेल : [email protected]
प्रतिक्रिया दिनुहोस्