काठमाडौं : पछिल्लो २४ घण्टामा थप ५ हजार एक सय १० पिसिआर परीक्षण गर्दा मुलुकभर थप ५ सय ११ जनामा कोरोना संक्रमण पुष्टि भएको छ।स्वास्थ्य तथा जनसंख्या मन्त्रालयले दिएको जानकारीअनुसार हालसम्म १९ लाख २६ हजार ४ सय ७७ जनाको पिसिआर परीक्षण गरिएको छ। त्यस्तै, सक्रिय संक्रमित ६ हजार तीन सय छन्।

६ सय संक्रमणमुक्त भएका स्वास्थ्य तथा जनसंख्या मन्त्रालयले जनाएको छ। हालसम्म २ लाख ५१ हजार ९ सय १२ जना संक्रमणमुक्त भएका छन्।

कुल संक्रमित २ लाख ६० हजार ५९ जना छन्। बितेको २४ घण्टामा थप ७ जनाको मृत्यु भएको छ। नेपालमा हालसम्म कोरोनाकै कारण मृत्यु हुनेको संख्या १८ सय ४७ जना पुगेको छ। हाल क्वारेन्टाइनमा रहनेको संख्या तीन सय ६२ छ।