बुटवल– रुपन्देही सुनचाँदी व्यवसायी संघले नेपाल सुनचाँदी व्यवसायी महासंघको १० आौँ स्थापना दिवस शनिबार शुभकामना आदान प्रदान कार्यक्रम गरी मनाएको छ।

कार्यक्रममा महासंघका उपाध्यक्ष जोगलाल बिश्वकर्माले सुनचाँदीको अभावले व्यवसायीलाई समस्या भएको बताउँदै उक्त समस्या समाधानका लागि महासंघबाट निरन्तर पहल कदमी भरहेको उनले बताए। सुनचाँदी व्यवसायमा परेका समस्या समाधान तथा शान्ति सुरक्षाको स्थितिमा सुधारका लागि महासंघ लागि पर्ने प्रतिवद्धता समेत व्यक्त गरे।

नेपाल सुनचाँदी व्यवसाय संघ लुम्बिनी प्रदेशका सह सचिव हरि बहादुर सुनारले पछिल्ला दिनमा व्यसायीहरुले धेरै किसिमका समस्या झेल्नु परेको उल्लेख गर्दै आगामी दिनमा त्यस्ता समस्या दोहोरिन नदिन अहिलेदेखि नै सजग हुनुपर्ने बताए। व्यवसायीहरुलाई अनावश्यकरुपमा दुःख दिइने गरेको उल्लेख गर्दै उनले यस्ता क्रियाकलाप तत्काल अन्त्य हुनुपर्ने बताए।

संघका वरिष्ठ उपाध्यक्ष यसरत्न बज्रचार्यको अध्यक्ष्यतामा भएको कार्यक्रममा सल्लाहकार सुरेसरत्न बज्रचार्य ,तिलोत्तमा सुनचाँदी व्यवसायी संघका उपाध्यक्ष सुरज गहतराज,लगायत पदाधिकारी तथा कार्यसमितिका सदस्यहरुको उपस्थिति रहेको थियो ।