भैरहवा-गुल्मेली सम्पर्क समाज रुपन्देही सिद्धार्थनगरको शाखाको पाँचौ अधिवेशन तथा सम्मान कार्यक्रम शनिबार भैरहवामा सम्पन्न भएको छ ।

अधिवेशनले पुनः केशवराज ज्ञवालीको अध्यक्षतामा १५ सदस्यीय कार्यसमिति सर्वसम्मत निर्वाचित गरेको छ । व्यवसायी समेत रहेका ज्ञवाली विभिन्न संघ–संस्थामा आबद्ध छन् । समाजको प्रथम उपाध्यक्षमा शालिकराम पाण्डे, द्वितीय उपाध्यक्ष मञ्जु पाण्डे, सचिवमा अर्जुन प्रसाद गौतम, सह–सचिवमा शेखरनाथ पन्थी र कोषाध्यक्षमा पुरुषोत्तम भण्डारी रहेका छन् ।

त्यस्तै सदस्यहरुमा राम प्रसाद पोखरेल, दुर्गा के.सी., चन्द्र लक्ष्मी कुंवर, लक्ष्मी खनाल, सीता भण्डारी, दुर्गा ज्ञवाली खनाल, अर्जुन कुंवर, ईश्वरी कुंवर र मोती बहादुर थापा निर्वाचित भएको समाजले जनाएको छ । पाँचौ अधिवेशनको लुम्बिनी प्रदेश सरकारका सहकारी विकास तथा खानेपानी मन्त्री भुमिश्वर ढकालले उद्घाटन गरेका थिए ।