न्यूयोर्क , अमेरिकाको हडसन नदीमा भएको हेलिकप्टर दुर्घटनामा परी तीन बालबालिका सहित ६ जनाको मृत्यु भएको छ । न्यूयोर्कका मेयर एरिक एडम्सले दिएको जानकारी अनुसार हेलिकप्टरमा यात्रा गर्नेमा अमेरिकी पाइलट सहित ५ स्पेनी नागरिक थिए ।

न्युयोर्क प्रहरीले परिवारले पुष्टि नगरेसम्म मृतकको पहिचान नदिने बताएको छ । हेलिकप्टर दुर्घटनाको कारण खोजी हुँदै छ । आकाशबाट हेलिकप्टर हडसन नदीमा खसिरहेको दृश्य सार्वजनिक भएको छ । जर्ज वासिङ्टन पुलतर्फ हेलिकप्टर अगाडि बढिरहेको समयमा दुर्घटना भएको हो ।

त्यसको लगत्तै बचाउन प्रयास गरिए पनि त्यो प्रयास सफल भएको थिएन । चार जना घटना स्थलमा तथा दुई जना नजिकै अस्पताल लगिए पछि मृत घोषित भएका थिए ।