काठमाडौं ।
पाकिस्तान तथा आसपासको क्षेत्र भारतको राजस्थानमा न्यून चापीय प्रणाली र पश्चमी बङ्गालको खाडी देखि मध्यपूर्वी बङ्गालको खाडीसम्म न्युन चापीय रेखा कायम रहेकोले त्यसको सामान्य असर नेपालमा परिरहेको जल तथा मौसम पूर्वानुमान महाशाखाले जनाएको छ ।
हाल देशका पहाडी भूभागमा आंशिकदेखि सामान्य बदली र तराईका केही भूभागमा आंशिक बदली रहेको तथा आज आज देशका पूर्वी पहाडी भूभागमा आंशिक देखि सामान्य बदली, मध्य पहाडी भूभागमा आंशिक बदली तथा बाँकी भूभागमा मौसम सामान्यतया सफा रहने जनाइएको छ । पूर्वी पहाडी भूभागका एक वा दुई स्थानमा छिटपुट वर्षा हुने सम्भावना रहेको पूर्वानुमान महाशाखाले उल्लेख गरेको छ ।
यसैगरीभोली देशका पहाडी भूभागमा आंशिक देखि सामान्य बदली रहने र बाँकी भूभागमा आंशिक बदली रहने जनाइएको छ । पूर्वी पहाडी भूभागका थोरै स्थानमा हल्का वर्षा हुने सम्भावना रहेको पूर्वानुमान महाशाखाले जनाएको छ । यस्तै, मंगलबार देशका पूर्वी तथा मध्य भूभागमा आंशिक देखि सामान्य बदली तथा बाँकी भूभागमा आंशिक बदली रहने जनाइएको छ । पूर्वी पहाडी भूभागका थोरै र मध्य पहाडी भूभागका केही स्थानमा हल्का वर्षा हुने सम्भावना रहेको पूर्वानुमान महाशाखाले जनाएको छ ।
आगामी २४ घण्टामा हिमाली भूभागका थोरै स्थानहरुमा हिमपातको सम्भावना रहेको हुनाले हिमाली भूभागमा यात्रा गर्ने तथा बसोबास गर्ने सर्वसाधारणले सामान्य सतर्कता अपनाउनु उपयुक्त हुने पूर्वानुमान महाशाखाले जनाएको छ