काठमाडौँ , पूर्वराजा ज्ञानेन्द्र शाह पोखरा भ्रमणमा पुगेका छन्। पूर्वराजा शाह आफ्नो व्यक्तिगत भ्रमणको सिलसिलामा शुक्रबार आज पोखरा पुगेका छन् ।

उनलाई स्वागत गर्न पोखरा अन्तर्राष्ट्रिय विमानस्थलको बाहिर समर्थकहरूको उल्लेख्य उपस्थिति थियो। स्वागतका लागि उपस्थित भएका समर्थकहरूले राष्ट्रिय झण्डा प्रदर्शन गर्दै पूर्वराजाको पक्षमा जयजयकार गरेका थिए।

उनलाई पञ्चेबाजा र पुष्पगुच्छाले स्थानीयले भव्य स्वागत गरेका छन् । पूर्वराजा शाह पोखरा भ्रमणका क्रममा केही दिन यहाँका विभिन्न धार्मिक स्थलहरूको भ्रमण गर्ने र स्थानीय नागरिक समाजका प्रतिनिधिसँग भेटघाट गर्ने कार्यक्रम रहेको बताइएको छ।

उनको यो भ्रमणलाई विशुद्ध व्यक्तिगत भनिए पनि स्थानीय स्तरमा यसले निकै चर्चा पाएको छ। पोखराको पर्यटन र पछिल्लो राजनीतिक वातावरणबीच पूर्वराजाको आगमनलाई अर्थपूर्ण रूपमा हेरिएको छ।