बुटवल । रसुवाको भोटेकोशी नदीमा आएको बाढीमा परी मृत्यु भएका थप ७ जनाको शव लुम्बिनी प्रादेशिक अस्पताल, बुटवलमा ल्याइएको छ।

लुम्बिनी प्रादेशिक अस्पतालमा अहिले १८ जनाको शव रहेको छ । ११ जनाको शब शुक्रबार दिउँसो र ५ जनाको शब शुक्रबार राति ल्याइएको बुटवलका प्रमुख प्रहरी नायब उपरीक्षक (डीएसपी) निशान्त श्रीवास्तवले जानकारी दिए।

उनका अनुसार लुम्बिनी प्रादेशिक अस्पतालमा १३ पुरुष र ५ महिलाको शव गरी हाल १८ जनाको शव रहेको छ ।

उनका बुटवल ल्याइएका शवहरु नवलपरासीका विभिन्न स्थानमा फेला परेका हुन् । त्यस्तै, भैरहवास्थित भीम अस्पतालमा पनि तीन महिलाको शव राखिएको डीएसपी श्रीवास्तवले बताए।

लुम्बिनी प्रादेशिक अस्पतालमा थप शव ल्याइने सम्भावना रहेको पनि प्रहरीले जनाएको छ।