काठमाडाैँ : छातीको अत्यधिक दुखाइले डाक्टर गोविन्द केसी अस्पताल भर्ना भएका छन् । छातीमा दुखाइ बढेपछि सोमवार विहान उनलाई त्रिवि शिक्षण अस्पतालस्थित मनमोहन कार्डियो थोरासिक विभागको आकस्मिक कक्षमा भर्ना गरिएको छ ।

विहान ४ वजे भर्ना गरिनुभएका डा केसीकाे रगत लगायतको चेकजाँच गरिएको छ यद्यपी रिर्पाेट भने आइनसकेको अस्पतालले जनाएको छ । डा.केसीलाई अस्पतालको २१५ नम्बर क्याबिनमा भर्ना गरिएको छ ।

उपचारमा संलग्न डा.अरुण सायमीका अनुसार छातिको दुःखाईमा सुरुमा इसिजी नर्मल आएपनि सचेत भएर निगरानी गर्नुपर्ने भएकाले अस्पताल भर्ना गरिएको हो ।

चिकित्सा शिक्षा सुधारको माग राख्दै १५ पटक सम्म अनसन बस्नुभएका केसीको अनसनरत छँदा मुटुमा केही समस्या देखिएको थियो ।